-
මේ අධ්‍යාපන රටාව ඇතුලේ දරුවන්ට ඔවුන්ව අහිමි වෙලා. පුංචි කාලේ ඉදන්ම ගුරුවරුන්, දෙමාපියන් හොයන්නේ බෝල අකුරු තියෙන, ඉගෙන ගන්න දක්ශම ළමයව. අකුරු කැතයිනම් , විභාගවලට ලකුණු අඩුයිනම්, ඒ ළමයා ඔවුන්ට අනුව මෝඩයෙක්! සමහරවෙලාවට දරුවන්ට කතා කරන්නෙත් මී හරකා,ගොනා, බූරුවා, මැට්ටා වගේ හරිම නරක වචන වලින්. හැමතිස්සේම කරන්නෙ දරුවව සසදන එක. “අරයට පුලුවන්නම් ඇයි ඔයාට බැරි?”
-
ඉපදුන දවසේ ඉදන්ම, සමහරවිට ඉපදෙන්න කලින් ඉදලම අපේ දෙමාපියන් උත්සාහ කරන්නෙ අපිට හොද අනාගතයක් හදන්න. බොහොම සතුටුදායී ජීවිතයක් දෙන්න.අධ්‍යාපනය තමයි එතනදි මූලීකත්වය ගන්නේ. ශිෂ්‍යත්වය සමත්වෙන්න උත්සහ දරන තැන ඉදන් සරසවියකට යන්න උත්සාහ දරන තැන දක්වාම අපිව ඇදගෙන යන්නේ “ලස්සන සතුටුදායී අනාගතයක්” කියන හීනය.